İran Xarici İşlər Nazirliyi (XİN) ABŞ-ın ölkəyə son hücumlarını pisləyərək, bunun iki aylıq atəşkəsi praktik olaraq mənasız etdiyini bildirib.

APA-nın Tehran bürosunun xəbərinə görə, İran XİN-in bəyanatında deyilir ki, ABŞ-ın hücumları faktiki olaraq 8 aprel atəşkəsini qüvvədən salıb və bunun doğura biləcəyi təhlükəli nəticələrə görə məsuliyyət ABŞ-ın üzərindədir.

Bəyanatda bildirilib ki, ABŞ-ın hücumları BMT Nizamnaməsinin və beynəlxalq hüququn açıq şəkildə pozulmasıdır.

Bəyanatda həmçinin vurğulanıb ki, region ölkələri ABŞ-ın İran əleyhinə hücumlar üçün öz ərazilərindən istifadə etməsinə imkan verməməlidir.

“İran hücumun mənbəyini zərərsizləşdirmək və özünümüdafiə hüququnu özündə saxlayır”, - bəyanata deyilir.

İran XİN BMT üzvlərini, xüsusilə Təhlükəsizlik Şurası və Baş katibi ABŞ-la İsrailin addımları qarşısında açıq mövqe bildirməyə, susqunluq və qeyri-müəyyənlikdən çəkinməyə çağırıb.

Oxşar xəbərlər

İran Küveyt və Bəhreynin ABŞ-ın hücumlarına görə birbaşa məsuliyyət daşıdığını bildirir

Araqçi: İsrail hücumları davam etdiyi müddətdə İran heç bir tərəflə danışıqlar aparmayacaq

XİN: İran üçün Cənubi Qafqazda təhlükəsizlik vacibdir

Azərbaycan XİN narahatlığını ifadə edib, ABŞ və İranı diplomatiyaya üstünlük verməyə çağırıb

Rubio Fransanın XİN başçısı ilə Ukrayna, Qəzza və İran məsələlərini müzakirə edib