Astara Rayon Polis Şöbəsinin əməkdaşları tərəfindən narkotik tərkibli bitkilərin kultivasiyasına qarşı əməliyyat keçirilib.

DİN-in Mətbuat xidmətinin regional qrupundan APA-ya verilən xəbərə görə, Ekologiya və Təbii Sərvətlər Nazirliyinin yerli qurumlarının əməkdaşları ilə birgə keçirilən tədbir zamanı Hirkan Milli Parkının çətin relyef şəraitinə malik meşə ərazisində salınmış narkotik plantasiyası aşkarlanıb.
Tədbirlərlə həmin ərazidə aşkarlanan 179 ədəd çətənə kolunun əvvəllər məhkum olunmuş 38 yaşlı Elməddin Məmmədov tərəfindən əkilərək xüsusi qulluq göstərildiyi müəyyən edilib və o, polis əməkdaşları tərəfindən saxlanılıb.
Faktla bağlı Astara RPŞ-də cinayət işi başlanılıb, saxlanılan şəxs barəsində həbs qətimkan tədbiri seçilib. Araşdırmalar aparılır.

Oxşar xəbərlər

Salyanda narkotik tərkibli bitkilər yetişdirən 4 nəfər saxlanılıb

Lerikdə saxlanılan narkokuryerdən 10 kq narkotik aşkarlanıb

Saatlıda narkotik bitkilərin gizli yetişdirilməsi üçün istifadə edilən narkotunel aşkarlanıb

Sabirabadda narkotik bitki yetişdirən 4 nəfər saxlanılıb

Ağcabədidə 12 kq narkotik aşkarlanıb