Azərbaycanda kibertəhlükəsizlik ekosisteminin inkişafı, yerli şirkətlərin və mütəxəssislərin sayının artırılması prioritet istiqamətlərdən biridir.

“Sizinxeber.az-Economics” xəbər verir ki, bu barədə Azərbaycan Kibertəhlükəsizlik Təşkilatları Assosiasiyasının İdarə Heyətinin sədr müavini Rauf Cabbarov Bakıda keçirilən “IV Milli Kibertəhlükəsizlik Forumu”nda çıxışı zamanı bildirib.

O bildirib ki, 2022-ci ildə ölkə üçün mühüm əhəmiyyət kəsb edən dövrdə AKTA-nın təsis olunması ilə kibertəhlükəsizlik ekosisteminin inkişafı və bu sahədə fəaliyyət göstərən özəl şirkətlərin sayının artırılması istiqamətində mühüm addım atılıb.

"İkinci və üçüncü forumlarda kibertəhlükəsizlik şirkətlərinin sayının artırılması, onlara dəstəyin göstərilməsi, gücləndirilməsi, eləcə də kadr hazırlığının inkişaf etdirilməsi və mütəxəssislərin sayının çoxaldılması məsələlərini müzakirə edirdik", - deyə o qeyd edib.

AKTA rəsmisinin sözlərinə görə, assosiasiya ölkədə kibertəhlükəsizlik sahəsinin inkişafı və dayanıqlı ekosistemin formalaşdırılması istiqamətində fəaliyyətini davam etdirir.

Oxşar xəbərlər

Bakıda IV Milli Kibertəhlükəsizlik Forumu keçirilir - FOTO

Bakıda Kibertəhlükəsizliklə bağlı beynəlxalq konfrans keçiriləcək

Media nümayəndələri üçün kibertəhlükəsizlik mövzusunda təlim keçirilir

ETX: İnformasiya təhlükəsizliyi ilə bağlı minimal kibertəhlükəsizlik tələbləri formalaşdırılır

İRİA “Mastercard”la Anlaşma Memorandumu imzalayıb