ETX: İnformasiya təhlükəsizliyi ilə bağlı minimal kibertəhlükəsizlik tələbləri formalaşdırılır

Azərbaycanda media subyektlərində informasiya və kibertəhlükəsizliyin təmin olunması ilə bağlı minimal tələblərin formalaşdırılması tədbirləri həyata keçirilir.

“APA-Economics” xəbər verir ki, bunu “İctimai proseslər media müstəvisində” mövzusunda tədbirdə panel müzakirəsi zamanı Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin rəis müavini Elvin Şahverdiyev deyib.

O bildirib ki, artıq bu tələblərin formalaşdırılması icra olunur:

“Dövlət qurumları ilə sıx əməkdaşlıq çərçivəsində həmin tələblərin bir daha üzərindən keçilir və onlara bir daha baxılır. Yaxın müddətdə bu istiqamətdə minimal tələblər formalaşdırılacaq. Kiber insidentlərin baş verməsinin əsas səbəblərindən biri minimal kibertəhlükəsizlik informasiya təhlükəsizliyi tələblərinə riayət edilməməsidir”.