Bu ilin yanvar-aprel aylarında Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") 8,7 milyon ABŞ dolları dəyərində peyk telekommunikasiya xidmətləri ixrac edib.

"Report" xəbər verir ki, bu barədə İqtisadi İslahatların Təhlili və Kommunikasiya Mərkəzinin açıqladığı "İxrac İcmalı"nın may sayında bildirilir.

Sənədə əsasən, bu, ötən ilin eyni dövrü ilə müqayisədə təxminən 55,4% çoxdur.

4 ayda peyk telekommunikasiya xidmətlərini 32 ölkədən təxminən 90-a yaxın şirkət idxal edib. 1 il əvvələ nisbətən ölkələrin sayı 8 vahid azalıb. Əsas ixrac istiqamətləri Böyük Britaniya (1,4 milyon ABŞ dolları), Lüksemburq (1 milyon ABŞ dolları), Türkiyə (381,1 min ABŞ dolları), Pakistan (370 min ABŞ dolları) və İsveç (187,2 min ABŞ dolları) olub.

Hesabat dövründə "Azərkosmos"un ixrac gəlirlərinin onun ümumi gəlirlərindəki payı isə 65 %-dən 64 %-ə düşüb.

Təkcə apreldə isə "Azərkosmos" 4,6 milyon ABŞ dollar dəyərində peyk telekommunikasiya xidmətləri ixrac edib. Bu isə illik müqayisədə 2,9 dəfə çoxdur.

Oxşar xəbərlər

“Azərkosmos”un ixrac gəlirləri 13 %-ə yaxın azalıb

“Azərkosmos”un ixrac gəlirləri 15 % azalıb

"Azərkosmos"un ixrac gəlirləri 3 %-ə yaxın artıb

“Azərkosmos”un ixrac gəlirləri 4 %-dən çox azalıb

“Azərkosmos”un xidmət ixrac etdiyi ölkələrin sayı artıb