Avstriyanın Qrats şəhərində keçirilən gənclər arasında Avropa Kubokunda 5 medal qazanan Azərbaycan cüdoçularından gözləntilər daha böyük olub.

Bunu "Sizinxeber.az"a açıqlamasında gənc oğlanlardan ibarət yığmanın baş məşqçisi Rüstəm Alimli deyib.

Mütəxəssis komandanın turnirdəki çıxışını şərh edib:

"Avstriyanın Qrats şəhərində təşkil olunan Avropa Kubokunda komandamız əsas heyətlə çıxış etdi. 2 qızıl və 3 bürünc olmaqla, ümumilikdə 5 medal qazandıq. Əlbəttə, cüdoçulardan daha çox medal gözləyirdik. Lakin turnir zamanı bəzi səhvlərə yol verildi və bəzi idmançılarımız medalsız qaldılar. Bakıya qayıtdıqdan sonra həmin səhvlərin üzərində işləyəcəyik. İnanıram ki, növbəti - Praqa şəhərində keçiriləcək Avropa Kubokunda komanda daha yaxşı çıxış edəcək".

Qeyd edək ki, Avropa Kubokunu 2 qızıl və 3 bürünc medalla tamamlayan Azərbaycan millisi 34 ölkə arasında oğlanların mübarizəsində ikinci, ümumi sıralamada isə üçüncü yeri tutub.

Oxşar xəbərlər

Azərbaycanın cüdo millisi Avropa Kubokunda birinci yeri tutub

Azərbaycan boks millisinin böyük məşqçisi: "Avropa birinciliyində daha çox qızıl medal qazana bilərdik"

Cüdoçularımız Avropa Kubokunu 5 medalla tamamladı

Azərbaycan cüdoçuları Avropa Kubokunda 4 medal qazanıb

Azərbaycan cüdo millisinin baş məşqçisi: "Avropa Kubokundakı nəticələr uğurludur"