Mayın 23-də Naxçıvanda baş verən yol-nəqliyyat hadisəsində xəsarət alan şəxslərdən daha biri xəstəxanada vəfat edib.

"Report"un yerli bürosu xəbər verir ki, hadisə Babək rayonunun Çeşməbasar kəndi ərazisində qeydə alınıb.

Belə ki, "Hyundai" markalı avtomobilin yoldan çıxaraq aşması nəticəsində ağır xəsarətlər alan 2002-ci il təvəllüdlü Vəliyev Şahin Elxan oğlu müalicə aldığı xəstəxanada bu gün dünyasını dəyişib.

Qeyd edək ki, qəzadan üç gün sonra hadisə zamanı xəsarət alan digər şəxs – 22 yaşlı Əlizadə Nail İlham oğlu da xəstəxanada vəfat etmişdi. Beləliklə, sözügedən yol qəzasında həyatını itirənlərin sayı 2-yə çatıb.

Hazırda xəsarət alan daha 4 nəfərin müalicəsi davam etdirilir. Faktla bağlı araşdırma aparılır.

Oxşar xəbərlər

Naxçıvanda qəzada xəsarət alan şəxslərdən daha biri xəstəxanada ölüb

Qaxda üç gün əvvəl yol qəzasında xəsarət alan sürücü xəstəxanada ölüb

Sumqayıtdakı partlayışda xəsarət alan şəxslərdən daha biri ölüb

Tovuzda yol qəzasında yaralanan gənc xəstəxanada ölüb

Yevlaxda yol qəzasında ağır xəsarət alan şəxs xəstəxanada ölüb