bp: BTC-nin operatorluğunun SOCAR-a ötürülməsi iyulun 1-dək tamamlana bilər
sizinxeber.az xəbər saytı

bp: BTC-nin operatorluğunun SOCAR-a ötürülməsi iyulun 1-dək tamamlana bilər


Bakı-Tbilisi-Ceyhan (BTC) əsas ixrac neft kəmərinin operatorluğunun SOCAR-a ötürülməsi prosesi iyulun 1-dək tamamlana bilər.

"Sizinxeber.az-Economics" xəbər verir ki, bunu jurnalistlərə açıqlamasında bp-nin Azərbaycan, Gürcüstan və Türkiyə üzrə regional prezidenti Cio Kristofoli deyib.

Onun sözlərinə görə, operatorluğun ötürülməsi bp-nin layihədən çıxması ilə bağlı deyil, mövcud müqavilə öhdəliyinin icrasıdır.

“İyulun 1-i müqavilə üzrə müəyyən edilmiş tarixdir və biz bu prosesi həmin tarixədək tamamlamağa çalışırıq. Vurğulamaq istəyirəm ki, bu, bp-nin layihədən çıxması demək deyil. Söhbət müqavilə öhdəliyinin yerinə yetirilməsindən gedir”, – deyə o bildirib.

C.Kristofoli qeyd edib ki, bp BTC layihəsində fəaliyyətini davam etdirəcək və operatorluğun SOCAR-a keçidini dəstəkləyir.

“SOCAR-ın operator olması bizi həyəcanlandırır. Bu istiqamətdə çox əhatəli keçid prosesi üzərində işləmişik. SOCAR-ın kəməri uğurla idarə etmək üçün lazımi təcrübəsi və imkanları var”, – deyə bp rəsmisi vurğulayıb.

Onun sözlərinə görə, operatorluğun ötürülməsi üzrə işlər planlaşdırılmış qrafikə uyğun şəkildə davam edir.

Oxşar xəbərlər

bp: “Qarabağ” yatağı üzrə yekun investisiya qərarı gələn ilin ortalarında verilə bilər
bp-nin regional prezidenti: Azərbaycan qarşıdakı onilliklərdə dünya səviyyəli enerji qovşağına çevrilə bilər
Cio Kristofoli: bp “Şahdəniz”ə 2,9 mlrd. dollar investisiya yatırır
bp: Yeni texnologiya “Şahdəniz”də əlavə qaz ehtiyatlarının hasilatına imkan verəcək
SOCAR Aralıq dənizində ən böyük qaz yataqlarından olan "Tamar" layihəsində 10% pay alıb - YENİLƏNİB

Ən son xəbərləri bizim

"Facebook" səhifəmizdə izləyin

Digər xəbərlər