Azərbaycan Transxəzər Beynəlxalq Nəqliyyat Marşrutunun (TBNM) - Orta Dəhlizin texniki modernizasiyası üzərində fəal işini davam etdirir.

Bu barədə “Sizinxeber.az”un Qazaxıstan bürosuna müsahibəsində Azərbaycanın Astana şəhərindəki səfiri Ağalar Atamoğlanov bildirib.

Diplomatın sözlərinə görə, Orta Dəhliz tədricən öz potensialını meydana çıxarır və regional əməkdaşlığın genişləndirilməsi üçün mühüm layihələrdən biridir.

Səfir qeyd edib ki, Orta Dəhlizin rəqabət qabiliyyəti artır və rəqəmlər bunu aydın göstərir:

“Belə ki, 2023-cü ildə Orta Dəhliz üzrə daşımaların həcmi 2,76 milyon ton təşkil edib ki, bu da 2022-ci illə müqayisədə 65 % çoxdur. 2024-cü ilin 10 ayı ərzində ümumi yük daşımalarının həcmi 3,8 milyon tona çatıb. Bu isə ötən ilin eyni dövrü ilə müqayisədə 68 % çoxdur. Yanvar-oktyabr aylarında konteyner daşımaları 46,3 min TEU təşkil edib. Bu da 2023-cü ilin göstəricisindən təxminən üç dəfə çoxdur”.

“Azərbaycanda artıq TBNM-in müasir nəqliyyat-logistika infrastrukturu yaradılıb və uğurla fəaliyyət göstərir. Eyni zamanda onun texniki modernizasiyası üzərində iş davam edir. Yaxın gələcəkdə Bakı Beynəlxalq Dəniz Ticarət Limanının ötürücülük qabiliyyəti hazırkı 15 milyon tondan 25 milyon tona qədər artacaq. Bakı-Tbilisi-Qars dəmir yolunun ötürücülük qabiliyyəti isə hazırkı 1 milyon tondan 5 milyon tona qədər artacaq”, - o bildirib.

Müsahibənin tam mətni ilə buradan tanış ola bilərsiniz.

Oxşar xəbərlər

Orta Dəhlizlə yükdaşımalar 62 % artıb

Orta Dəhlizlə yükdaşımalar 65 % artıb

Orta Dəhliz vasitəsilə konteyner yükdaşımaları 14 dəfə artıb

Orta Dəhlizlə yük daşımalarının həcmi 63 % artıb

Orta Dəhlizlə bu il konteyner daşımaları 3 dəfə artıb