Bu ilin yanvar-noyabr aylarında Trans-Xəzər Beynəlxalq Nəqliyyat Marşrutu (Orta Dəhliz) ilə yük daşımalarının həcmi ötən ilin eyni dövrü ilə müqayisədə 63 % artaraq 4,1 milyon tona çatıb.

Bu barədə “Report” Qazaxıstanın Nəqliyyat Nazirliyinə istinadən xəbər verir.

O cümlədən, 11 ay ərzində Orta Dəhlizlə konteyner daşımaları 1 il əvvələ nisbətən 2,6 dəfə artaraq 50,5 min TEU təşkil edib.

"Trans-Xəzər Beynəlxalq Nəqliyyat Marşrutu davamlı artım göstərməyə davam edir. Bu da buraxılış qabiliyyətinin ildə 6 milyon tona qədər, o cümlədən 100 min TEU konteyner daşımalarına qədər artması ilə təsdiqlənir. Ötürücülük qabiliyyətinin artırılmasına və xidmət keyfiyyətinin yaxşılaşdırılmasına yönəlmiş infrastrukturun modernləşdirilməsinə xüsusi diqqət yetirilir", - məlumatda qeyd olunub.

Transxəzər Beynəlxalq Nəqliyyat Marşrutu Çin, Qazaxıstan, Xəzər dənizi, Azərbaycan, Gürcüstan ərazisindən keçərək Türkiyə və Avropa ölkələrinə uzanan beynəlxalq nəqliyyat dəhlizidir.

Oxşar xəbərlər

Orta Dəhlizlə bu il konteyner daşımaları 3 dəfə artıb

Orta Dəhlizlə yükdaşımalar 62 % artıb

Orta Dəhliz vasitəsilə konteyner yükdaşımaları 14 dəfə artıb

“Kazmortransflot” Aktau-Bakı marşrutu ilə neft nəqlini 2,4 dəfə artırıb

Orta Dəhlizlə yükdaşımalar 65 % artıb