Fransa millisinin baş məşqçisi Didye Deşam anasının vəfatı səbəbindən ölkəsinə yollanacaq.

"Sizinxeber.az" xəbər verir ki, bu barədə Fransa Futbol Federasiyasının mətbuat xidməti məlumat yayıb.

Mütəxəssis DÇ-2026-nın qrup mərhələsinin son turunda Norveçlə keçiriləcək oyunda komandasının yanında ola bilməyəcək.

Fransa və Norveç milliləri I qrupunda mübarizə aparır və hər iki komanda 6 xal toplayaraq artıq pley-off mərhələsinə vəsiqəni təmin edib. Qrup liderliyi üçün Fransaya son turda məğlub olmamaq kifayətdir.

Qeyd edək ki, 57 yaşlı Didye Deşam 2012-ci ildən Fransa millisinin baş məşqçisidir. Onun rəhbərliyi altında Fransa yığması 2018-ci ildə dünya çempionu olub, 2022-ci ildə gümüş medal qazanıb, 2016-cı ildə Avropa çempionatında ikinci yeri tutub və 2024/2025 mövsümündə UEFA Millətlər Liqasının qalibi olub.

Oxşar xəbərlər

Didye Deşam "Real"ın baş məşqçisi ola bilər

Didye Deşam: "Uzun fasilədən sonra ikinci hissəyə köklənmək asan olmadı"

Zidan Fransa yığmasına rəhbərlik etmək üçün şifahi razılıq verib

IFFHS ən yaxşı baş məşqçinin adını açıqlayıb

"Real"da baş məşqçi postuna dörd namizəd var