Özbəkistan üçün ilk dünya çempionatının asan olmayacağı bəlli idi.

"Report" xarici mediaya istinadən xəbər verir ki, bunu adıçəkilən millinin baş məşqçisi Fabio Kannavaro DÇ-2026-nın K qrupunun II turunda baş tutan Portuqaliya ilə oyundan (0:5) sonra deyib.

İtaliyalı mütəxəssis böyükhesablı məğlubiyyətin acı olduğunu söyləyib:

"Özbəkistan üçün ilk dünya çempionatının asan olmayacağı bəlli idi. Püşkatmadan sonra Kolumbiya və Portuqaliya kimi komandaların adlarını görəndə vəziyyətin çətinliyini artıq başa düşmüşdük".

Məğlubiyyətə baxmayaraq, baş məşqçi futbolçuların çıxışından razı qaldığını və komandanın sonadək mübarizə apardığını vurğulayıb:

"Kolumbiya ilə oyundan sonra komanda ilə fəxr etdiyimi demişdim. Bu gün də eyni sözləri təkrar edə bilərəm. Bəli, oyunçular üçün çətin idi, ciddi problemlərlə üzləşdilər, amma bir an belə mübarizəni dayandırmadılar".

Oxşar xəbərlər

Fabio Kannavaro istefaya göndərilib

DÇ-2026: Özbəkistan - Kolumbiya oyunu başlayıb

Qana millisinin baş məşqçisi Karluş Keyroş: "Dünya çempionatında qələbə asan əldə olunmur"

Kolumbiya DÇ-2026-ya Özbəkistan üzərində qələbə ilə başlayıb - YENİLƏNİB-6

Türkiyə minifutbol yığmasının baş məşqçisi: "Dünya çempionatının əsas favoriti Azərbaycan yığmasıdır"