Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyi (AYNA) Bakının Füzuli küçəsində avtobus zolağının saat 07:00–22:00 aralığında qüvvədə olma vaxtını bildirən yol nişanı quraşdırıb.

"Sizinxeber.az" bu barədə AYNA-ya istinadən xəbər verir.

Beləliklə, sözügedən küçədə digər nəqliyyat vasitələrinin zolağa daxil olması ilə bağlı qadağa yalnız nişanda göstərilən saatlarda qüvvədədir.

Məlumata görə, avtobus zolağına qaydalardan kənar daxil olan şəxslərə 100 manat məbləğində cərimə və 2 bal müəyyən edilib. Zolaqlar ictimai nəqliyyat istifadəçilərinin rahat, maneəsiz və əlavə vaxt itkisinə məruz qalmadan daşınmasına şərait yaradır.

AYNA hərəkət iştirakçılarını qaydalara riayət etməyə çağıraraq, bildirib ki, mərhələli şəkildə digər küçə və prospeklərdə də avtobus zolağının qüvvədə olma vaxtını bildirən yol nişanları quraşdırılacaq.

Oxşar xəbərlər

Bakıda daha bir ərazidə avtobus zolağı ilə bağlı yol nişanı quraşdırılıb

Daha bir küçədə avtobus zolağının qüvvədə olma vaxtını bildirən yol nişanı quraşdırılıb

Azərbaycanda avtobus və velosiped zolağına daxil olanlar 100 manat cərimə ediləcək

Bakının Zabrat qəsəbəsi Şəhər şosesində xüsusi hərəkət zolağı təşkil edilir

Avtomobilini avtobus dayanacağında saxlayan sürücülərə 2 bal yazılacaq