Rusiya hökuməti, "Sağlamlığı Qoruyan Yeni Texnologiyalar" milli layihəsinin bir hissəsi olaraq orqan bioprinti, mini donuzların (mini pig) iştirak etdiyi ksenotransplantasiya və gen terapiyası da daxil olmaqla, yaşlanma əleyhinə 26 milyard dollarlıq proqramı maliyyələşdirir.

Axar.az xəbər verir ki, bu barədə “Voll Strit Jurnal” məlumat yayıb.

Aprel ayında elm nazirinin müavini Denis Sekirinski hazırlanan gen terapiyası dərmanını qocalma ilə mübarizədə ən perspektivli sahələrdən biri adlandırıb.

“Proqrama Putinin iki yaxın adamı nəzarət edir: qızı, dövlət genetik layihələrindən məsul endokrinoloq Mariya Vorontsova və Kurçatov İnstitutunun rəhbəri, prezidentin dostu bankir Yuri Kovalçukun qardaşı fizik Mixail Kovalçuk. Kovalçuk Kremlin uzunömürlülük proqramının arxasında duran şəxsə çevrilib. Onun sözlərinə görə, elm tezliklə insanın bədən hissələrinin sonsuz təmirinə və dəyişdirilməsinə imkan verəcək”, - nəşr bildirib.

Məlumata görə, rus alimlər siçan qığırdaqlarının və tiroid toxumasının bioprintində uğur qazandıqlarını bildirirlər və 2030-cu ilə qədər bunun insanlarda orqanları əvəz edə biləcəyinə ümid edirlər:

“Lakin müstəqil ekspertlər buna şübhə ilə yanaşırlar. Rusiyada bioprintin qabaqcıllarından biri olan və Ukraynaya hərbi təcavüzdən sonra mühacirət edən bioloq Aleksandr Ostrovski deyir ki, beynəlxalq jurnallarda heç bir nəşr yoxdur, yəni real nəticələr yoxdur. O, iddia edir ki, alimlər maliyyə vəsaiti əldə etmək üçün Putinə eşitmək istədiklərini deyirlər".

Oxşar xəbərlər

Putinin reytinqi düşür, Kreml narahatdır!

BUƏB Azərbaycan biznesinin ticarətdə iştirakını genişləndirmək istəyir

Belarus Azərbaycanı İrandan metal məhsullarının tranziti üçün tərəfdaş kimi nəzərdən keçirir

İran geri çəkildi: ABŞ-la danışıqlar bərpa olunur

Əlilliyi olan 80 min şəxsə reabilitasiya xidmətləri göstərilib