Ukrayna 2016-cı ildən 2026-cı ilə qədər bu ölkənin ərazi bütövlüyü uğrunda döyüşən əcnəbilərin vətəndaşlıq əldəetmə prosedurunu sadələşdirəcək.

Bunu "Report"un Şərqi Avropa bürosuna müsahibəsində Ukrayna Miqrasiya Xidmətinin rəhbəri Natalya Naumenko deyib.

Onun sözlərinə görə, Ukrayna vətəndaşlığını almaq üçün həmin şəxslərin bundan əvvəlki ölkənin vətəndaşlığından çıxmasına ehtiyac yoxdur:

"2016-cı ildən 2026-cı ilə qədər Ukrayna ardıcıl və sistemli şəkildə, daim ərazi bütövlüy uğrunda döyüşən əcnəbilərin Ukrayna vətəndaşlığını əldə etmək prosedurunun sadələşdirilməsi üzərində işləyirik. Əgər onun qüvvədə olan hərbi müqaviləsi varsa və ya o döyüşübsə, yetərlidir. Şəxsin hərbi müqavilə bağladıqdan sonra, bir il sonra Ukrayna vətəndaşlığı üçün müraciət etməyə imkanı var. O ya mühacirət icazəsi sənədləşdirə bilər, ya da Ukrayna vətəndaşlığı ala bilər. Həmçinin belə şəxslər üçün miqrasiya məsələlərində çıxış da sadələşdirilib. Ukrayna dili, tarix və Konstitusiyanın bilinməsi imtahanı üzrə möhlət var. Bu da vacibdir. Çünki ön cəbhədə döyüşmüş insan dərhal belə imtahanları verə bilməz".

Müsahibənin tam mətnini buradan oxuya bilərsiniz.

Oxşar xəbərlər

Natalya Naumenko: Müharibə başlayandan Ukraynanı 8 milyon vətəndaş tərk edib - MÜSAHİBƏ

Natalya Naumenko: Ukraynada müvəqqəti yaşayış vəsiqəsi alanların əksəriyyəti Azərbaycan vətəndaşlarıdır

Ukrayna təhlükəsizliklə bağlı 70 ölkəni riskli siyahıya daxil edib

Ukraynada çoxsaylı vətəndaşlığa icazə verilib

Ukrayna əcnəbilərin ölkəyə girişi üçün elektron xəbərdarlıq sistemi tətbiq edəcək