Xankəndi şəhərindəki su və kanalizasiya kollektorlarının yenidən qurulması nəzərdə tutulur.

"Report"un Xankəndiyə ezam olunmuş müxbir xəbər verir ki, bunu jurnalistlərə açıqlamasında Azərbaycan Dövlət Su Ehtiyatları Agentliyinin (ADSEA) Regional Su Meliorasiya Xidmətinin Qarabağ Su Meliorasiya Sistemləri İstismar İdarəsinin rəisi Müşfiq Adıgözəlov bildirib.

Onun sözlərinə görə, layihə üzrə hazırlıq işləri davam edir: "Su və kanalizasiya kollektorları hazırda layihələndirmə mərhələsindədir və yenidən qurulacaq".

Meliorasiya rəsmisi əlavə edib ki, Xankəndi şəhərində fəaliyyət göstərən 1 nömrəli su təmizləyici qurğular kompleksi gün ərzində 8 min kubmetr suyun təmizlənməsi gücünə malikdir: "İlkin xlorlamadan sonra su durulducu filtrlərə daxil olur, daha sonra qum filtrlərindən keçərək yenidən xlorlanır və 2 min kubmetrlik su anbarlarına ötürülür. Buradan isə su istehlakçılara nəql edilir. Xankəndidə 104 kilometr uzunluğunda su şəbəkəsi istismar olunur və şəhər 10 hidravlik zonaya bölünüb. Şəhər 1 və 2 nömrəli su təmizləyici qurğular vasitəsilə fasiləsiz, 24 saat su ilə təmin edilir".

Oxşar xəbərlər

Bərgüşadçay su anbarının tikintisinə başlanılıb

Qarabağ və Şərqi Zəngəzurda mərkəzləşdirilmiş təmizləyici qurğular tikiləcək

ADSEA Xankəndidə 3 300-ə abonentə xidmət göstərir

ADSEA: Qarabağ Su Regional İdarəsinin işçilərinin çoxu keçmiş məcburi köçkünlərdir

ADSEA: Qarabağda su-meliorasiya idarəsinin işçilərinin çoxu keçmiş məcburi köçkünlərdir