Bu ilin yanvar-aprel aylarında Azərbaycanda istehlakçıların tələbatlarının ödənilməsi məqsədilə satılmış malların və göstərilmiş xidmətlərin dəyəri 23,7 milyard manat olub.

Bu barədə “Sizinxeber.az” Dövlət Statistika Komitəsinə istinadən xəbər verir.

Bildirilib ki, bu, 2024-cü ilin yanvar-aprel aylarına nisbətən müqayisəli qiymətlərlə 5,2 % artıb.

Məlumata görə, ümumi dəyərin 77,8 %-ini pərakəndə ticarət dövriyyəsi, 19 %-ini əhaliyə göstərilmiş ödənişli xidmətlərin dəyəri, 3,2 %-ini isə ictimai iaşə dövriyyəsi təşkil edib.

Qeyri-dövlət sektorunda fəaliyyət göstərən təsərrüfat subyektləri tərəfindən satılmış malların və göstərilmiş xidmətlərin dəyəri 2024-cü ilin yanvar-aprel ayları ilə müqayisədə 5 % artaraq 22,6 milyard manata bərabər olub, onun 42,9 %-i fərdi sahibkarların fəaliyyəti sayəsində formalaşıb.

Hesabat dövründə bir istehlakçı orta hesabla ayda 578,5 manat və ya 2024-cü ilin eyni dövrü ilə müqayisədə nominal ifadədə 53,4 manat çox vəsait xərcləyib.

Oxşar xəbərlər

Azərbaycanın istehlak bazarı 5 %-ə yaxın böyüyüb

Azərbaycanın istehlak bazarı 5 %-dən çox böyüyüb

Azərbaycanda istehlak bazarı 5 %-ə yaxın böyüyüb

Ölkənin istehlak bazarı 5%-dən çox böyüyüb

Ölkədə 4 ayda istehlak bazarının həcmi 24 mlrd. manata yaxınlaşıb