Naxçıvan Muxtar Respublikasında sahibkarlığın inkişafının stimullaşdırılması istiqamətində tətbiq edilən vergi, gömrük və sosial sığorta güzəştləri çərçivəsində bu ilin yanvar–may aylarında 12 sahibkarlıq subyektinə ümumilikdə 67 təsdiqedici sənəd təqdim edilib.

"Sizinxeber.az"un yerli bürosunun məlumatına görə, sənədlərdən 5-i texnika, texnoloji avadanlıqlar və qurğuların idxalı, 62-si isə xammal və materialların idxalı üçün verilib.

Bu sənədlər əsasında Rusiya, Çin və Türkiyədən ümumi dəyəri 1,5 milyon manat olan texnika, texnoloji avadanlıqlar və qurğular, həmçinin Türkiyə, Rusiya, İran, İraq, Gürcüstan, Avstriya, Almaniya, Koreya kimi ölkələrdən ümumi dəyəri 5,2 milyon manat olan xammal və materiallar rüsumsuz idxal edilib.

Nəticədə cari ilin ilk 5 ayında idxal olunan xammal, material və texnoloji avadanlıqlara görə sahibkarlar əlavə dəyər vergisi və gömrük rüsumları üzrə ümumilikdə 1,8 milyon manat məbləğində güzəşt əldə ediblər.

Oxşar xəbərlər

Azad edilmiş ərazilər üzrə idxal üçün sənəd icazələr siyahısına daxil edilib

İşğaldan azad olunmuş ərazilərə idxalda vergi və rüsum azadolmalarına dair hüquqi mexanizm genişləndirildi

Azərbaycandakı sənaye parklarının rezidentləri indiyə qədər 520 milyon manat vəsaitə qənaət ediblər

Naxçıvanda son 11 ayda sosial müavinətlər üzrə 37,9 milyon manat ödənilib

Ağdam Sənaye Parkında son 7 ayda 85 milyon manatlıq məhsul istehsal olunub