Milli Məclis dövlət ümumi təhsil müəssisələrində müəyyən edilmiş geyim tələblərinə riayət olunmasının hüquqi müstəvidə təsbitini ilk oxunuşda qəbul edib.

"Report" xəbər verir ki, bununla bağlı "Ümumi təhsil haqqında" qanuna dəyişiklik layihəsi parlamentin növbədənkənar sessiyasının bugünkü iclasında müzakirəyə çıxarılıb.

Qeyd edilib ki, təhsilalanlarla bağlı qanunvericilikdə nəzərdə tutulan dəyişikliyin əsas məqsədi mövcud qaydaların hüquqi əsaslarını daha da dəqiqləşdirmək və onların bütün dövlət ümumi təhsil müəssisələrində vahid yanaşma əsasında tətbiqini təmin etməkdir.

Sənəddə həmçinin təhsilverənlər üçün də geyimlə bağlı hüquqi əsasın yaradılması vurğulanıb.

Bildirilib ki, dəyişiklik dövlət ümumi təhsil müəssisələrində peşəkar iş mühitinin və təşkilati mədəniyyətin daha da möhkəmləndirilməsinə yönəlib.

Layihə müzakirələrdən sonra səsverməyə çıxarılaraq birinci oxunuşda qəbul edilib.

Oxşar xəbərlər

Təhsilverənlər üçün geyimlə bağlı hüquqi əsas yaradılır

“Yaşayış minimumu haqqında” qanuna dəyişiklik birinci oxunuşda qəbul edilib

Bələdiyyələrin qrant alması ilə bağlı dəyişiklik I oxunuşda təsdiqlənib

Bələdiyyələrin qrant alması ilə bağlı dəyişiklik son oxunuşda təsdiqlənib

Parlament tibb, təhsil və sosial müəssisələrdə yeni qida normalarının təsdiqi ilə bağlı dəyişikliyi qəbul edib