Ermənistan Qərbi azərbaycanlıların öz yurdlarına təhlükəsiz qayıdışına şərait yaratmalıdır.

"Sizinxeber.az"un yerli bürosu xəbər verir ki, bunu Qərbi Azərbaycan İcması (QAİ) İdarə Heyətinin sədri Əziz Ələkbərli Ordubadda keçirilən III "Qərbi Azərbaycana qayıdış" konqres-festivalı çərçivəsində jurnalistlərə açıqlamasında deyib.

Onun sözlərinə görə, Qərbi azərbaycanlıların yaşadığı faciələrə Naxçıvan da şahidlik edib və bu baxımdan belə tədbirlərin məhz burada keçirilməsi xüsusi məna daşıyır.

Ə.Ələkbərli qeyd edib ki, Qərbi azərbaycanlıların öz doğma yurdlarına qayıdışı fundamental insan haqları və beynəlxalq hüquqa uyğundur.

QAİ sədri regionda yaranmış yeni reallıqların Qərbi azərbaycanlıların ata-baba yurdlarına qayıdışının qaçılmaz olduğunu göstərdiyini vurğulayıb.

O əlavə edib ki, Ermənistan bu reallığı qəbul edərək Qərbi azərbaycanlıların öz yurdlarına təhlükəsiz, ləyaqətli və dinc qayıdışına şərait yaratmalıdır.

Oxşar xəbərlər

Prezident: Ermənistan Qərbi azərbaycanlıların öz dədə-baba yurdlarına dönə bilmələri ilə bağlı aydın mövqe ifadə etməlidir

Qərbi Azərbaycan İcması Nikol Paşinyanı dialoqa çağırıb

İcma sədri: Qərbi azərbaycanlıların tarixi torpaqlarına qayıdışı gənclərdən asılıdır

Əziz Ələkbərli: İcma yurdlarına qayıtmaq istəyən yüzminlərlə azərbaycanlının hüququ uğrunda mübarizə aparır

Sözçü: Qərbi azərbaycanlıların geri qayıdışına beynəlxalq dəstək onların qayıdış hüququndan irəli gəlir