Bu ilin I rübündə Azərbaycan rezidentləri xarici ölkələrin iqtisadiyyatına 1 milyard 109,85 milyon ABŞ dolları birbaşa investisiya yatırıb.

"Sizinxeber.az" bu barədə Azərbaycan Mərkəzi Bankına (AMB) istinadən xəbər verir.

Məlumata görə, bu, ötən ilin eyni dövrü ilə müqayisədə 3,5 dəfə çoxdur.

Rüb ərzində ən çox birbaşa xarici investisiya Türkiyə (453,7 milyon ABŞ dolları), Böyük Britaniya (234,5 milyon ABŞ dolları), Gürcüstan (83,85 milyon ABŞ dolları), Özbəkistan (74,9 milyon ABŞ dolları) və ABŞ-yə (66,9 milyon ABŞ dolları) yatırılıb.

Hesabat dövründə xarici rezidentlər isə ölkəyə 1 milyard 720,1 milyon ABŞ dolları birbaşa investisiya yatırıb. Bu isə 1 il əvvələ nisbətən 13,25 % çoxdur. Ən çox birbaşa investisiyanı Böyük Britaniya (484,7 milyon ABŞ dolları), Türkiyə (329,6 milyon ABŞ dolları), Cənubi Kipr (216,6 milyon ABŞ dolları), Rusiya (107,1 milyon ABŞ dolları) və İran (106,4 milyon ABŞ dolları) yatırıb.

Oxşar xəbərlər

AMB ötən il ölkəyə və ölkədən investisiya qoyuluşunun məbləğini açıqlayıb

Azərbaycan Gürcüstan iqtisadiyyatına birbaşa investisiya qoyuluşunu 5 dəfə artırıb

Azərbaycan Türkiyə iqtisadiyyatına birbaşa investisiya qoyuluşunu 2 dəfədən çox artıb

Azərbaycan Rusiya iqtisadiyyatına birbaşa investisiya qoyuluşunu 3 dəfəyə yaxın artırıb

Azərbaycanın BƏƏ iqtisadiyyatına birbaşa investisiya qoyuluşunu kəskin azaldıb