Azərbaycan və Özbəkistanın mərkəzi bankları İslam maliyyəsinin tənzimlənməsi sahəsində əməkdaşlığın inkişafını müzakirə edir.

Bu barədə "Sizinxeber.az"un Daşkəndə ezam olunmuş əməkdaşına Özbəkistan Mərkəzi Bankının sədr müavini Səncar Nosirov Daşkənd İnvestisiya Forumunun kuluarlarında bildirib.

"Azərbaycan tərəfi İslam maliyyəsinin tənzimlənməsinin öyrənilməsinə fəal maraq göstərir və bu istiqamətdə işlər davam etdirilir", - o qeyd edib.

S.Nosirovun sözlərinə görə, Özbəkistan və Azərbaycan maliyyə sektorunun tənzimlənməsinin bir sıra istiqamətləri üzrə qarşılıqlı fəaliyyət göstərir: "Biz Azərbaycanın tənzimləyici orqanı (Mərkəzi Bank - red.) ilə bir neçə məsələ üzrə - təkcə makroprudensial siyasət deyil, həm də prudensial tənzimləmə, lisenziyalaşdırma və digər istiqamətlərdə əməkdaşlıq edirik".

O əlavə edib ki, müzakirələr iki ölkənin aidiyyəti komandalarının iştirakı ilə müxtəlif platformalarda, o cümlədən Özbəkistan bazarına daxil olan azərbaycanlı investorların lisenziyalaşdırılması məsələləri üzrə aparılır: "Ola bilsin ki, siz bu forumda (Daşkənd İnvestisiya Forumunda - red.) lisenziyalaşdırma və prudensial tənzimləmə üzrə yeni razılaşmalar barədə məlumat əldə edə biləcəksiniz".

S.Nosirov bildirib ki, Özbəkistan Mərkəzi Bankı inflyasiyanın hədəflənməsi modelinin tətbiq olunduğunu elan edib: "Özbəkistan gələn ilin sonuna qədər hədəflənən inflyasiya səviyyəsinə - 5 %-ə çatmağı qarşısına məqsəd qoyub".

Oxşar xəbərlər

AMB: Bank sektorunun valyuta mövqeyi prudensial tələblər çərçivəsindədir

Azərbaycan və Özbəkistanın mərkəzi bankları təcrübə mübadiləsi edib

Azərbaycanda BOKT-lar üçün prudensial tənzimləmə qaydaları dəyişəcək

Şahin Mahmudzadə: "ESG və iqlim risklərinin prudensial çərçivəyə inteqrasiyası bu il tamamlanacaq"

Azərbaycan və ABŞ bank tənzimlənməsi üzrə ikinci dəfə danışıqlar aparacaq