Ölkənin aviasiya nəzarəti sistemi beynəlxalq təhlükəsizlik standartlarına uyğunlaşdırıldıqdan sonra Qırğızıstanın bütün aviaşirkətləri Avropa İttifaqının (Aİ) qara siyahısından çıxarılıb.

"Report"un Avropa bürosu xəbər verir ki, bu barədə Brüsseldə keçirilən brifinqdə Avropa Komissiyasının nümayəndəsi Anna-Kaysa İtkonen bildirib.

Onun sözlərinə görə, Qırğızıstan aviasiya təhlükəsizliyinə nəzarət sahəsində mühüm irəliləyişə nail olub, bu da ölkədə sertifikatlaşdırılmış aviadaşıyıcıların Aİ dövlətlərinə uçuşlarına tətbiq edilən məhdudiyyətləri aradan qaldırmağa imkan verib.

Eyni zamanda, Əlcəzairin "Air Express Algeria" aviaşirkəti siyahıya daxil edilib və artıq Aİ-yə uçuşlar həyata keçirə bilməyəcək. İtkonen bildirib ki, qərar Aİ-nin aviasiya təhlükəsizliyi üzrə ekspertləri tərəfindən aşkar edilmiş təhlükəsizlik sahəsindəki ciddi narahatlıqlara əsaslanır.

Bu yenilənmə Aİ-nin Aviasiya təhlükəsizliyi siyahısının 48-ci redaktəsi olub.

Oxşar xəbərlər

Aİ yeni enerji tədbirləri paketi ilə bağlı müddətləri açıqlamaqdan imtina edib

Avropa Komissiyasının nümayəndəsi: "Rusiya qazının idxalını tam dayandırmağa çalışırıq"

Rusiya qazının Avropaya tədarükü dayandırıldıqdan sonra Aİ-də enerji qiymətlərində artım müşahidə edilmir

Avropa İttifaqı ABŞ-dən LNG idxalını artırmağa hazırdır

Britaniya 5 ildən sonra Pakistan aviaşirkətlərinin uçuşlarına qadağanı ləğv edib