Almaniya Bundestaqı 2026-cı ildə deputat maaşlarının növbəti artırılma prosesindən imtina etməyi planlaşdırır.

Bu barədə DPA agentliyi hakim Xristian Demokrat və Xristian Sosial İttifaqları blokunun və Almaniya Sosial Demokrat Partiyasının parlament fraksiyalarındakı mənbələrə istinadən məlumat yayıb.

Məlumata görə, maaş artımından imtina ilə bağlı qanun layihəsi artıq bu həftə parlamentin müzakirəsinə çıxarıla bilər.

Deputatlar bununla əhaliyə mürəkkəb iqtisadi şəraitdə qənaətin vacibliyi barədə mesaj vermək niyyətindədirlər.

Hazırda Bundestaq deputatının aylıq əməkhaqqı təxminən 11,8 min avro təşkil edir. İyul ayından etibarən bu məbləğin 497 avro artırılaraq 12 330 avroya çatdırılması nəzərdə tutulurdu.

Qeyd olunur ki, deputat maaşları ölkədəki orta əməkhaqqına uyğun olaraq avtomatik indeksləşdirilir.

“Yaşıllar”, Almaniya üçün Alternativ Partiyası və Sol Partiya da mövcud şəraitdə maaşların artırılmasına qarşı çıxıb.

Oxşar xəbərlər

Bundestaq Ukraynaya 3 milyard avro yardımla bağlı qətnamə qəbul edib

Bundestaq “Almaniya üçün Alternativ” partiyasının qadağan edilməsi ilə bağlı müraciətə baxacaq

Bundestaq Şoltsa etimad göstərməkdən imtina edib, növbədənkənar seçki keçirilə bilər

Almaniya Prezidenti Bundestaqı buraxıb

XDİ-nin baş katibi Bundestaq administrasiyasını ən azı 15% azaltmağı təklif edib