Venesuelada dağıdıcı zəlzələnin fəsadlarından 6,76 milyondan çox insanın zərər çəkdiyi güman edilir.

"Sizinxeber.az" xəbər verir ki, bu cür qiymətləndirmələri BMT sisteminə daxil olan Beynəlxalq Miqrasiya Təşkilatı (BMqT) açıqlayıb.

Vurğulanıb ki, məlumatlar ilkin xarakter daşıyır və əhalinin sıxlığı, eləcə də dağıntıların dərəcəsi haqqında informasiyanın təhlili əsasında əldə edilib.

Qeyd olunub ki, xüsusilə, təkcə paytaxt Karakasda yeraltı təkanların fəsadlarından 2 milyona yaxın sakin zərər çəkmiş ola bilər.

Xatırladaq ki, iyunun 25-nə keçən gecə Venesuelanın şimalında 7,1 maqnitudalı zəlzələ baş verib. ABŞ Geologiya Xidməti daha sonra 40 saniyə fərqlə 7,2 və 7,5 maqnitudalı daha iki yeraltı təkanın qeydə alındığını bildirib. Ölkə rəhbərliyi fövqəladə vəziyyət rejimi elan edib. Əsas təkanların ardınca 214 afterşok qeydə alınıb. Son məlumatlara görə, Venesuelada təbii fəlakət nəticəsində 1,4 mindən çox insan həlak olub, daha 3,2 mindən çox insan isə müxtəlif dərəcəli xəsarətlər alıb.

Oxşar xəbərlər

Venesuelada zəlzələ qurbanlarının sayı 188 nəfərə çatıb - YENİLƏNİB

Venesuelada zəlzələ qurbanlarının sayı 164 nəfərə çatıb

Venesuelada dağıdıcı zəlzələ nəticəsində azı 32 nəfər ölüb - YENİLƏNİB-2

Venesuelada zəlzələdən sonra 50 mindən çox insan itkin düşüb

Venesuelada zəlzələdən sonra fövqəladə vəziyyət elan edilib