İsrail hərbçiləri son bir həftə ərzində Qəzza zolağının şimal hissəsində HƏMAS-ın hərbi qanadının beş üzvünü zərərsizləşdirib.

"Report" xəbər verir ki, bu barədə ordunun mətbuat xidməti məlumat yayıb.

Qurumun iddiasına görə, onlar Fələstin anklavında fəaliyyət göstərən İsrail hərbçilərinə qarşı hücumlar hazırlayırdılar.

Öldürülənlər arasında HƏMAS-ın tank əleyhinə diviziyasının operatoru Vael Mahmud Əli Ləbəd, operator Muaz Məhəmməd Həsən Əhməd, HƏMAS-ın hərbi qanadının taqım komandiri Sameh Əbu Kamil və snayper Əkrəm Əşrəf Həməd Ləbəd var.

Bundan əlavə, HƏMAS-a məxsus raket buraxılış qurğuları olan obyektlər də məhv edilib.

Həmçinin Qəzzanın cənubunda HƏMAS-ın hərbi qanadının taqım komandiri Adel Cihad Məhəmməd Əsfur öldürülüb.

"Bütün müharibə ərzində Əsfur Qəzza zolağında fəaliyyət göstərən İsrail Müdafiə Ordusunun hərbçilərinə qarşı snayper hücumları və partlayıcı qurğulardan istifadə etməklə hücumlar həyata keçirib", - İsrail hərbçiləri iddia edirlər.

Oxşar xəbərlər

İsrail Ordusu HƏMAS-ın hərbi qanadının komandirini zərərsizləşdirib

İsrail HƏMAS-ın snayper bölməsinin komandirinin öldürüldüyünü açıqlayıb

İsrail Müdafiə Ordusu HƏMAS-ın iki yaraqlısının öldürüldüyünü açıqlayıb

Keçmiş məktəb binasında gizlənən “HƏMAS” komandiri məhv edilib

İsrail Müdafiə Qüvvələri HƏMAS briqadasının dörd səhra komandirinin məhv edildiyini açıqlayıb