ABŞ Tehranın öz nüvə proqramını bərpa etməyə başlayacağı, qonşu ölkələr üçün təhlükə yaradacağı və ya regiondakı yaraqlı qruplaşmaları dəstəkləyəcəyi təqdirdə, İrana qarşı hərbi əməliyyatların bərpa olunmasını istisna etmir.

"Report" xəbər verir ki, bu barədə ABŞ Vitse-prezidenti Cey Di Vens jurnalistlərə bildirib.

"Əgər İran öz nüvə proqramını bərpa etmək, qonşularını hədələmək və ya terrorizmi maliyyələşdirmək istəsə, Prezidentin (Donald Tramp – red.) variantları var. Mən heç nə vəd edə bilmərəm, çünki sözsüz ki, bu, son nəticədə iranlıların özlərini necə aparacağından asılıdır. Əmin olduğum bir şey var ki, əgər buna zərurət olmazsa, prezident bizim qoşunları geri göndərməyəcək", - Vens bildirib.

Bununla belə, o, ABŞ və İran nümayəndələrinin texniki məsləhətləşmələrinin gedişatını müsbət qiymətləndirib: "Yekunlar barədə danışmaq hələ tezdir, lakin onlar yaxşı gedir".

Oxşar xəbərlər

Vens ABŞ-ın İrana qarşı hərbi əməliyyatları bərpa edə biləcəyini istisna etməyib

İrana çox şeylər təklif edə bilərik - Vens

Vens: ABŞ İranın nüvə proqramını itki vermədən məhv edib

Vens: ABŞ İranla danışıqlarda müəyyən irəliləyiş görür

Vens: ABŞ tələblərin yerinə yetirilməsi şərtilə İrana iqtisadi təzyiqi azaltmağa hazırdır