Venesuelada zəlzələdən sonra 50 mindən çox insan itkin düşüb.

"Report" xəbər verir ki, bu barədə BMT-nin humanitar məsələlər üzrə baş katibinin müavini Tom Fletçer danışıb.

"Bu, olduqca mürəkkəb bir xilasetmə əməliyyatıdır. 50 mindən çox insan itkin düşüb, 500-dən çox insan isə ölüb, ona görə də dağıntıları təmizləmək nəhəng bir işdir", - deyə o əlavə edib.

"Agence France-Presse" (AFP) bildirib ki, hər yerdə dağılmış binalar və nəhəng dağıntı yığınları yaranıb. Ailələr hələ də dağıntılar altında qalmış ola biləcək insanları axtarmağa davam edirlər.

Venesuelada 24 iyun axşamı zəlzələ baş verib. Təxminən 40 saniyə ara ilə 7,2 və 7,5 bal gücündə iki təkan qeydə alınıb. Episentrləri Yaracuy ştatında bir-birindən 10 kilometr aralıda yerləşib. Zəlzələdən sonra 214 afterşok qeydə alınıb. Son məlumatlara görə, Venesuelada 589 nəfər ölüb, təxminən 3000 nəfər yaralanıb.

Oxşar xəbərlər

BMT baş katibi dağıdıcı zəlzələdən sonra Venesuela ilə həmrəyliyini bildirib

Myanmadakı zəlzələdən sonra Taylandda 50-dən çox yeraltı təkan qeydə alınıb

Venesuelada zəlzələdən sonra fövqəladə vəziyyət elan edilib

Venesuelada zəlzələ qurbanlarının sayı 188 nəfərə çatıb - YENİLƏNİB

Kamçatkada 50-dən çox afterşok qeydə alınıb