Növbəti 10 ildə kosmosa çıxan insanların sayında ciddi artım gözlənilir.

"Report" xəbər verir ki, bu barədə Rəqəmsal İnkişaf və Nəqliyyat Nazirliyi yanında Kosmik Agentliyin (“Azərkosmos”) İdarə Heyətinin sədri Saməddin Əsədov “Kosmik Tibbin Əsasları” adlı xüsusi təlim proqramının açılış mərasimində bildirib.

“Yaxın gələcəkdə kosmik texnologiyaların sürətli inkişafı və mövcud müşahidələr göstərir ki, beynəlxalq kosmik stansiyalara və ümumilikdə orbitə çıxan insanların sayı artacaq. Bu sıraya həm astronavtlar, həm də kosmik turistlər daxil olacaq. Bu proses kosmosda tibb mövzularını daha da aktual edir. Ümumiyyətlə, kosmik tədqiqatlar və tibb bir-biri ilə sıx əlaqəlidir. Kosmosda astronavtların həyatını təmin etmək üçün hazırlanmış həllər sonradan tibdə geniş tətbiq olunmağa başlayıb”, - deyə o vurğulayıb.

S. Əsədovun sözlərinə görə, bir çox müasir tibbi texnologiya və cihazlar ilk dəfə astronavtlar üçün hazırlanıb və onlarda sınaqdan keçirilib. “Məsələn, ultrasəs müayinə cihazları, yüngül görmə və eşitmə avadanlıqları, eləcə də qulaq termometrləri əvvəlcə astronavtlar üçün yaradılıb. Daha sonra bu texnologiyalar geniş şəkildə tibdə istifadə olunmağa başlanıb”.

Oxşar xəbərlər

Azərbaycanda ilk dəfə “Kosmik tibbin əsasları” təlimi keçiriləcək

Saməddin Əsədov: "Azərbaycanlı məktəblilərin hazırladığı peyk “Space X” ilə gələn il orbitə buraxılacaq" - YENİLƏNİB

Türkiyənin azərbaycanlı astronavtı kosmosda missiyasını başa vurub - YENİLƏNİB

Kosmik agentlik rəhbərlərinin Bakı bəyənnaməsi qəbul edilib

COP29 çərçivəsində Kosmik Agentliklərin Rəhbərlərinin Sammiti keçiriləcək