Türkiyənin pilotsuz uçuş aparatları istehsalçısı “Baykar”ın iştirakı ilə yaradılmış “Fergani Space” şirkətinin ilk peyki “SpaceX” şirkətinin raketi ilə kosmosa buraxılıb.

“Report” xəbər verir ki, bu barədə “Anadolu” agentliyi məlumat yayıb.

Buraxılış ABŞ-nin Vandenberq bazasından həyata keçirilib. Peyk “Transporter-12” missiyası çərçivəsində kosmosa göndərilib.

“Baykar” şirkətinin direktorlar şurasının sədri Selçuk Bayraktar peykin buraxılışını şərh edərək bildirib: “20 illik hədəfə çatdıqdan sonra bir az daha irəli getdik və kosmik tədqiqatlara başladıq”.

Onun sözlərinə görə, Türkiyə şirkəti “Fergani” layihəsi çərçivəsində qlobal mövqe təyini sistemi yaratmaq niyyətindədir. O həmçinin qeyd edib ki, “Fergani” peyki üçün hidrogen peroksid mühərrikinin sınağı 2024-cü ilin may ayında keçirilib.

Oxşar xəbərlər

“SpaceX” Türkiyənin “Baykar” şirkətinin ilk peykini orbitə buraxıb

“SpaceX” şirkətinin raketi 20 “Starlink” peykini orbitə çıxarıb

“Baykar” Ukraynada PUA istehsalı zavodunun tikintisinin başa çatma müddətini açıqlayıb