Hindistan dekabr ayında kosmosa insanabənzər robot göndərməyi planlaşdırır. Bu, Hindistanın ilk insanlı kosmik missiyası "Qaqanyan"a hazırlıq üçün yeni addım olacaq.

“Sizinxeber.az” xəbər verir ki, bu barədə Hindistan Kosmik Tədqiqatlar Təşkilatının (ISRO) rəhbəri V. R. Narayanan bildirib.

“Dekabrda insanabənzər robotun iştirak etdiyi missiya olacaq", - o deyib.

Vyommitra adlı bir humanoid robot (sanskrit dilindən Vyoma - kosmos, Mitra - dost) qadın görünüşü ilə kapsulda avtonom uçuş aparmaq üçün xüsusi olaraq hazırlanıb. Ehtimal olunur ki, robot kosmik şəraitdə gəminin bütün əsas sistemlərini - həyatı təmin edən sistemlərdən tutmuş uçuşu idarəetmə sistemlərinə qədər işini yoxlayacaq.

"Əgər missiya uğurlu olsa, biz gələn il daha iki pilotsuz missiya həyata keçirəcəyik. Bütün sınaqlar başa çatdıqdan sonra baş nazir Narendra Modinin elan etdiyi əsas pilotlu missiya "Qaqanyan" 2027-ci ilin martında işə salınacaq", - ISRO rəhbəri bildirib.

2018-ci ilin avqustunda Hindistanın Baş naziri Narendra Modi ölkəsinin ilk milli kosmik ekipajını orbitə göndərəcəyini rəsmən elan edib. Onun dörd üzvü artıq Rusiyada təlim keçiblər və hazırda Hindistanda təlimlərini davam etdirirlər. Layihənin adı "Qaqanyaan" (sanskritcə "Qagana" sözündəndir, cənnət deməkdir) "səmavi gəmi" deməkdir.

Oxşar xəbərlər

"Fram2" missiya heyəti ilə "Crew Dragon" kosmik gəmisi Yerə qayıdır

"Crew Dragon" kosmik gəmisi "Fram2" missiya heyəti ilə Yerə qayıdır

Hindistanlı ilk dəfə Amerika raketi ilə kosmosa uçacaq

“Tesla”nın yeni robot taksi modeli təqdim edilib

Çində insanabənzər robotların iştirak etdiyi birinci yarımmarafon keçirilib