Şimali Koreyadan olan hakerlər Serbiya vətəndaşlarının kimliklərini oğurlayıb bundan beynəlxalq platformalarda iş tapmaq üçün istifadə edirlər.

"Report"un Balkan bürosu xəbər verir ki, bu barədə Balkan ölkələrində fəaliyyət göstərən araşdırma şəbəkəsi BIRN məlumat yayıb.

Bildirilib ki, Şimali Koreyadan olan hakerlər Qərb şirkətlərində "frilans" iş tapmaq üçün xaricilərin kimlikləri oğurlayırlar və bundan zərərçəkənlər arasında Serbiya ilə Bosniya və Herseqovinadan olan şəxslər də var.

Onlar populyar "frilans" iş platforması olan "Guru" üzərində həmin kimliklərdən istifadə edərək ABŞ və Avropa şirkətlərində iş əldə etməyə çalışırlar.

Məlumata görə, burada məqsəd isə Şimali Koreya üçün gəlir yaratmaqdır.

Hesabatda qeyd olunur ki, bu gəlirlərin bir hissəsi ölkənin silah proqramı, daxili infrastruktur layihələri və istehlak mallarının alınmasına yönəldilir. Təkcə 2024-cü ildə Şimali Koreyanın dünya üzrə IT işçiləri vasitəsilə təxminən 350–800 milyon dollar qazandığı bildirilir.

Oxşar xəbərlər

Marko Curiç: Serbiya Avropa İttifaqına üzvlüyə sadiqdir

ABŞ Rusiya və Şimali Koreyaya qarşı yeni sanksiyalar tətbiq edib

Koreya yarımadası nüvə müharibəsinin astanasında olub

Bosniya və Herseqovina Rəyasət Heyətinin sədri vəzifəsində rotasiya ilə dəyişiklik edilib

Vyetnam Cənubi Koreyadan "K9" özüyeriyən artilleriya qurğusu alır