Ukraynanın paytaxtı Kiyev Rusiya ordusu tərəfindən dron və raket atəşinə tutulub.

APA xəbər verir ki, bu barədə Kiyev meri Vitali Kliçko məlumat verib.

Onun sözlərinə görə, Kiyevdə partlayış səsləri eşidilib, hava hücumundan müdafiə qüvvələri aktiv fəaliyyət göstərir.

İntensiv hava hücumları nəticəsində şəhərin bəzi yerlərində yanğın baş verib, dağıntılar var.

Kliçko paytaxtın şimal hissəsində elektrik xətlərinin zədələndiyini və 140 min abonentin elektrik enerjisiz qaldığını deyib.

Raket hücumu nəticəsində bir nəfərin öldüyü, bir neçə nəfərin də yaralandığı bildirilir.

İnsanlara sığınacaqlarda qalmaq tövsiyə olunur.

Oxşar xəbərlər

Rusiya Ukrayna bölgələrinə kütləvi dron hücumları həyata keçirir

Kiyev dron hücumuna məruz qalıb

Rusiya Kiyevə raket hücumu edib, ölən və yaralananlar var

Kiyevə raket və dron hücumları olub, ölənlər var - VİDEO

Ukraynaya gecə hücumları nəticəsində paytaxtda 4 nəfər ölüb, qərb şəhərləri də zərbə altındadır