Pakistanın Xayber-Paxtunxva vilayətində əlverişsiz hava şəraitinin fəsadları səbəbindən azı yeddi nəfər ölüb, 33 nəfər xəsarət alıb.

"Sizinxeber.az" xəbər verir ki, bu barədə "Dawn" vilayətin Təbii Fəlakətlərlə Mübarizə İdarəsinə (PDMA) istinadən məlumat yayıb.

İdarənin məlumatına görə, güclü yağış və külək səbəbindən bir neçə dairədə, o cümlədən Bannu, Şanqla və Mansehrədə damların və divarların uçması nəticəsində yeddi nəfər, o cümlədən iki uşaq, dörd kişi və bir qadın ölüb. Xəsarət alan 33 nəfər arasında yeddi kişi, 12 qadın və 14 uşaq var.

Qeyd olunur ki, zərərçəkmiş bölgələrdə fəsadların aradan qaldırılması və sakinlərin xilas edilməsi üzrə gücləndirilmiş işlər aparılır.

Oxşar xəbərlər

Rusiyada əlverişsiz hava şəraitinə görə 1 uşaq ölüb, 31 nəfər xəsarət alıb

Pakistanda leysan və daşqınlar nəticəsində 195 nəfər ölüb

Pakistanın şimal-şərqində yol qəzasında azı 7 nəfər ölüb

Pakistanda partlayış nəticəsində binanın damı uçub, altı nəfər ölüb

Pakistanda partlayış baş verib, yeddi nəfər ölüb