ABŞ və İran arasında mümkün sazişin razılaşdırılması bir neçə ay və ya bir neçə həftəyə qədər vaxt apara bilər.

"Report"un məlumatına görə, ABŞ-nin vitse-prezidenti Cey Di Vens bunu "CBS News" telekanalına müsahibəsində bildirib.

Onun sözlərinə görə, sazişin müddəti danışıqların gedişatından asılıdır və geniş diapazonda dəyişə bilər.

"Düşünürəm ki, saziş bir həftə ərzində bağlana bilər, amma bir neçə ay ərzində də bağlana bilər", - o qeyd edib.

Vens əlavə edib ki, Vaşinqton ABŞ üçün iqtisadi cəhətdən faydalı olacaq və İranın nüvə proqramı ilə bağlı məsələləri həll edəcək bir razılaşma əldə etməyi gözləyir.

O, həmçinin tərəflərin razılığa yaxın olduğunu, lakin onun bağlanması üçün əlavə işlərin görülməli olduğunu vurğulayıb.

Oxşar xəbərlər

ABŞ-nin energetika naziri: İranla sülh sazişi iki həftə ərzində bağlana bilər

Modinin Parisə səfəri zamanı qırıcı təyyarələr və sualtı qayıqların alınmasına dair sazişlər bağlana bilər

Vens: ABŞ Trampın ultimatum müddəti bitənə qədər İranın infrastrukturuna zərbə endirməyəcək

Vens: ABŞ İrana nüvə silahından imtina müqabilində dünya iqtisadiyyatına inteqrasiya təklif edir

KİV: ABŞ-nin İranla müzakirələrində əsas danışıqçısı Vens ola bilər