İran Ordusunun Quru Qoşunlarının komandanı, general-mayor Əli Cahanşahi bildirib ki, ölkənin Quru Qoşunları istənilən potensial təhdidə sarsıdıcı və qəti cavab verməyə tam hazırdır.

"Mehr" agentliyinin məlumatına görə, o, bu fikirləri ölkənin qərb sərhəd bölgəsində yerləşən 71-ci Mexanikləşdirilmiş Piyada Briqadasının “Əbuzər” əməliyyat bölmələrinə səfəri zamanı səsləndirib.

General-mayor Cahanşahi bölmələrin qarşıya qoyulan tapşırıqları yerinə yetirmək və ölkəyə qarşı yarana biləcək istənilən təhlükəyə qarşı durmaq üçün hərtərəfli və yüksək hazırlıq vəziyyətində olduğunu vurğulayıb.

Sərhəd bölgələrində dayanıqlı təhlükəsizliyin təmin edilməsinin vacibliyinə toxunan komandan bildirib ki, Quru Qoşunlarının çəkindirmə potensialı və əməliyyat hazırlığı daim qorunmalı və daha da gücləndirilməlidir.

“Ölkə sərhədlərinin təhlükəsizliyi Silahlı Qüvvələrin səylərinin, hazırlığının və güclü mövcudluğunun nəticəsidir”, - deyə Cahanşahi qeyd edib.

O, həmçinin Quru Qoşunlarının şəxsi heyətinin və komandirlərinin fədakar fəaliyyətini yüksək qiymətləndirərək, qarşıya qoyulan vəzifələrin yerinə yetirilməsi məqsədilə döyüş hazırlığının artırılması prosesinin davam etdiriləcəyini bildirib.

General-mayor Cahanşahi əlavə edib ki, İran Ordusunun Quru Qoşunları ölkənin suverenliyini və ərazi bütövlüyünü bütün gücü ilə müdafiə etmək üçün ən yüksək hazırlıq səviyyəsindədir.

Oxşar xəbərlər

İsrailin Quru Qoşunlarının komandanı istefa verib

DSX: COP29 zamanı qarşıya qoyulmuş tapşırıqların icrası layiqincə yerinə yetirilib

Kənan Seyidov Türkiyə Quru Qoşunları komandanı ilə görüşüb

DSX rəisi Tükiyə Quru Qoşunları komandanını qəbul edib

Quru Qoşunlarının mexanikləşdirilmiş bölmələrinin döyüş qabiliyyəti inkişaf etdirilir - VİDEO