Böyük Britaniya parlamentinə Daxili İşlər Nazirliyinin (DİN) digər dövlətlərin düşmən fəaliyyəti ilə mübarizə aparmaq səlahiyyətlərini genişləndirəcək qanun layihəsi təqdim edilib.

"Sizinxeber.az"un məlumatına görə, bu barədə hökumətin portalında dərc olunmuş bəyanatda bildirilir.

Sənəd təsdiqlənsə, gələn ay qüvvəyə minə bilər. Qanun layihəsi qadağan olunmuş təşkilatları dəstəkləmək, onları tərifləmək və yardım etmək üçün cinayət cəzalarını artıracaq. Digər dövlətlərlə əlaqəli olan bu cür təşkilatların xarici kəşfiyyat xidmətləri hesab edilməsi təklif olunur. Maksimum cəza 14 ilə qədər həbs müddəti ola bilər.

Təşəbbüsün İran ətrafındakı münaqişə fonunda Böyük Britaniyada antisemit hücumların artması ilə əlaqəli olduğu qeyd edilir.

Qeyd olunan hadisələr arasında yəhudi məhəlləsində bıçaqlı hücum, təcili yardım maşınlarının yandırılması, sinaqoqlarda və "Jewish Futures" xeyriyyə binasında yanğın törətmə cəhdləri də var.

Hakimiyyət orqanlarının məlumatına görə, bəzi hücumlara görə məsuliyyəti "Islamic Movement of the People of the Right Hand" kimi tanınan "Ashab al-Yamin" təşkiları üzərinə götürüb.

Oxşar xəbərlər

Britaniyada DİN-in düşmən fəaliyyətinə qarşı mübarizə səlahiyyətləri genişləndirilir

Britaniyada ictimai yerlərdə siqaret çəkməyi qadağan edən qanun sərtləşdiriləcək

Starmer Britaniyada proksi hücumlar təhlükəsinin artdığını bəyan edib

Britaniya SEPAH-ı qadağan olunmuş təşkilat kimi tanımaq niyyətindədir

Belarusda prezidentə qarşı təhdidlərə görə cəza tətbiq edilə bilər