Rusiya Prezidenti Vladimir Putin ukraynalı həmkarı Vladimir Zelenskinin açıq məktubu ilə tanış olduğunu bildirib.

"Report" Rusiya mediasına istinadən xəbər verir ki, bu barədə Putin Sankt-Peterburq Beynəlxalq İqtisadi Forumunun plenar iclasında bildirib.

"Mətbuat katibi Dmitri Peskov mənə bu məktubu hələ dünən göstərmişdi. Lakin bizim Özbəkistan Prezidenti ilə işgüzar görüşümüz, işgüzar şam yeməyimiz var idi. Düzünü desəm, baxmağa macal tapmadım. Bu gün səhər Peskov yenə kağızı mənə uzatdı. Mən ona ötəri baxdım", - deyə Putin danışıb.

O həmçinin qeyd edib ki, Moskva və Kiyev münaqişənin nizamlanması üzrə əsas məsələləri öz aralarında həll etməlidirlər, digər ölkələr isə qarant kimi çıxış edə bilərlər.

"Təbii ki, əsas məsələləri Rusiya və Ukrayna öz aralarında həll etməlidir. İstər ABŞ-dəkı, istərsə də dünyanın digər regionlarındakı həmkarlarımız şərait yarada və qarant kimi çıxış edə bilərlər. Biz bundan çıxış edirik", - o bildirib.

Qeyd edək ki, iyunun 4-də Ukrayna Prezidenti Volodimir Zelenski Rusiya lideri Vladimir Putinə şəxsi görüş və danışıqlar müddətində atəşkəs təklifi ilə açıq məktub yazıb.

Oxşar xəbərlər

Putin: Rusiya və Ukrayna öz aralarında əsas məsələləri həll etməlidir

Kreml Putin və Zelenskinin avqustun sonuna qədər mümkün görüşünü şərh edib

Putin hələ ki Zelenski ilə görüşməkdə bir məna görmədiyini deyib

Peskov: Putin Ukraynada atəşkəs ideyasını dəstəkləyir

Peskov: Putin Trampı Rusiyaya dəvət edib