"Blue Origin" şirkətinin "New Glenn" ağır raketinin 36 nömrəli start meydançasında keçirilən sınaqlar zamanı partlaması Floridadakı Kanaveral burnunda yerləşən kosmodromun infrastrukturuna ciddi ziyan vurub.

"Report" xəbər verir ki, bu barədə "Associated Press" (AP) agentliyi məlumat yayıb.

Nəşr qeyd edib ki, şəkillərdə dağılmış konstruksiyaların çoxsaylı qalıqları aydın görünür. Hadisə zamanı yalnız bir qüllə və su çəni salamat qalıb.

Agentliyin məlumatına görə, partlayış "Blue Origin" şirkətinin nüfuzuna ciddi zərbə vurub. Bundan əlavə, ötən ay peyki hesablanmış orbitə çıxarmaq üçün edilən uğursuz cəhddən sonra mühərrikdə yaranan nasazlıq səbəbindən "New Glenn" raketinin istismarını dayandırmaq məcburiyyəti yaranmışdı.

Xatırladaq ki, hadisə ötən gün raketin güc qurğusunun sınaqları zamanı baş verib.

Oxşar xəbərlər

ABŞ ordusu hipersəs raketinin sınağını keçirib

San-Pauloda baş verən partlayış yaşayış binalarına ziyan vurub

ABŞ “Sentinel” qitələrarası ballistik raketinin mühərrikini sınaqdan keçirib

İsrailin Beer-Şeva şəhərində İran raketinin düşməsi nəticəsində azı üç nəfər ölüb

Tərtərdə dolu kənd təsərrüfatına ciddi ziyan vurub