Minifutbol üzrə Azərbaycan millisi Slovakiyada İtaliya yığmasına qarşı keçirəcəyi Avropa çempionatının ikinci matçında mütləq qələbə qazanmalıdır.

Bu barədə komandanın üzvü Mirmehdi Rzayev "Sizinxeber.az"un Bratislavaya ezam olunan əməkdaşına açıqlamasında bildirib.

O, rəqibin ötən gün Fransa ilə keçirdiyi matçını izlədiklərini söyləyib:

"Dünən İtaliya millisinin oyununa baxdıq. Görüş heç-heçə bitdi. Bu bizə də sərf edir. İtaliya ilə bugünkü matçda mütləq qələbə qazanmalıyıq".

M.Rzayev Avstriyanı minimal hesabla (1:0) üstələdikləri ilk qarşılaşmaya da toxunub:

"Oyunun ağır keçəcəyini bilirdik. Bu, ilk matçımız idi. Meydança amili də sözünü dedi. Amma yenə də qələbə qazana bildik. Bugünkü matçda da qələbəni hədəfləyirik. Qrupu lider kimi başa vurmaq niyyətindəyik. Avstriyanın bizə bu qədər müqavimət göstərəcəyini gözləmirdik. Belə güclü olduqlarını bilmirdik. Heyətlərində böyük futbolda iştirak etmiş simalar var idi".

Xatırladaq ki, bu gün "Tipos Arena"da keçiriləcək İtaliya - Azərbaycan oyunu Bakı vaxtı ilə saat 17:45-də start götürəcək.

Oxşar xəbərlər

İsa Atayev: "Avropa çempionatındakı növbəti oyunlarda da qələbə qazanmağı hədəfləyirik"

Azərbaycan millisinin üzvü: “Ümid edirəm ki, növbəti mərhələlərdə də qələbələr və medallar qazanacağıq”

Azərbaycan millisinin baş məşqçisi: "Bizə qələbə sevinci yaşatdıqları üçün futbolçulara təşəkkür edirəm"

Çexiya millisinin futbolçusu karyerasını İtaliya klubunda davam etdirəcək

İtaliya millisinin müdafiəçisi zədələnib