Bu gün səhər İrlandiyanın Şennon Hava Limanında bir kişi Amerika hərbi təyyarəsinin qanadına çıxaraq gövdə və qanadı balta ilə zədələməyə başlayıb.

"Sizinxeber.az" xəbər verir ki, bu barədə yerli "TheJournal" saytı məlumat yayıb.

"Kişi hava limanının uzaq yönləndirmə yolunda park edilmiş ABŞ Hərbi Hava Qüvvələrinə məxsus "C130 Hercules" hərbi nəqliyyat təyyarəsinin yanında görülüb", - məlumatda bildirilib.

Hadisə yerinə hava limanının polis əməkdaşları və yanğın-xilasetmə xidməti, eləcə də polis və İrlandiya Müdafiə Qüvvələrinin hərbi qulluqçuları cəlb olunub.

Qeyd edilib ki, şübhəli şəxs saxlanılıb. Mənbələrdən birinin sözlərinə görə, hava gəmisi ciddi zədələr alıb.

Təhlükəsizlik tədbirlərinin pozulmasından sonra hava limanı təxminən 30 dəqiqə bağlı qalıb. Hazırda onun fəaliyyəti bərpa olunub.

Oxşar xəbərlər

İsrail HHQ İranın F5 qırıcılarını vurub, onlarla hərbi obyektinə zərbələr endirib

İsrail qırıcıları Sənanın əsas hava limanını bombalayıb

Paris-Orli hava limanının iki terminalı bomba təhlükəsi səbəbindən boşaldılıb

ABŞ-də hava limanında iki təyyarə toqquşub