Azərbaycanda dəmir yolları ilə sərnişindaşımaları 23% artıb - CƏDVƏL

Bu ilin yanvar-oktyabr aylarında “Azərbaycan Dəmir Yolları” QSC-nin (ADY) qatarları ilə 6,9 milyondan çox sərnişin daşınıb ki, bu da ötən ilin analoji dövrü ilə müqayisədə 23% çoxdur.

ADY-dən “APA-Economics”ə verilən məlumata görə, 2023-cü və 2024-cü illərin oktyabr ayında daşınan sərnişin sayında isə bu il 24% artım qeydə alınıb.

Qeyd edək ki, 2023-cü ildə ADY dəmir yolları tarixində ilk dəfə olaraq 7 milyon sərnişin daşımağa nail olub.