Tullantıların yandırılmasından imtina etməyin və mövcud sıfır tullantı həllərinə daha çox maliyyə resursun yönəldilməsi vacibdir.

“Report” xəbər verir ki, bunu Filippin Sıfır Tullantı Şəhərləri Şəbəkəsinin prezidenti və San-Fernando şəhərinin (Pampanqa əyalətinin inzibati mərkəzi) vitse-meri Benedikt Jasper Lagman COP29 çərçivəsində "Metan üzrə Qlobal Öhdəlik" adlı tədbirdə deyib.

“Biz Milli Mütəxəssislər Qrupu (NDC) üçün nəzərdə tutulan bu yenidən baxış fürsətini qaçıra bilmərik. NDC 3.0 çərçivəsində sıfır tullantılara üstünlük verməliyik”, - Benedikt Jasper Lagman bildirib.

O, həmçinin digər siyasətçiləri davamlı və ekoloji təmiz həllərə sərmayə qoymağa çağırıb: “Yer üzərində uzunmüddətli təsirə nail olmaq üçün yerli siyasətçiləri "Cities Methane Pledge" öhdəliyinə qoşulmağa dəvət edirəm. Bu çərçivədə şəhərlər, kəndlər və icmalarda üzvi tullantıların 70 %-nin təkrar emalı üzrə öhdəlik götürülməlidir”.

Vitse-merin fikrincə, sıfır tullantı yanaşması təkcə tullantıların idarə olunması deyil, həm də davamlı icmaların qurulması üçün əsas vasitədir və bu, iqlim dəyişikliyi ilə mübarizədə mühüm addımdır.

Oxşar xəbərlər

Bakının şərq və qərb hissələrində yeni tullantı emalı müəssisələri tikiləcək

Fəxrəddin Altun: İqlim böhranı dünyanın bu gününə və gələcəyinə birbaşa təsir edir

Lesli Adoqame: "Afrikada tullantıların yandırılması alternativ həllərlə əvəz edilməlidir"

Əminə Ərdoğan Mehriban Əliyeva ilə görüşündən paylaşım edib

COP29-da Heydər Əliyev Fondu və Sıfır Atık Fondunun birgə pavilyonu olacaq