Rusiyanın Krasnoyarsk diyarının şimalında meşə yanğınlarının sahəsi 133 min hektarı ötür.

"Report" "İnterfaks"a istinadən xəbər verir ki, bu barədə regional meşə yanğınları mərkəzi məlumat yayır.

"20 iyun 2026-cı il saat 08:45-ə (Bakı vaxtı ilə 05:45 - red.) olan operativ məlumata görə, diyarın ərazisində ümumi sahəsi 133,6 min hektar olan 93 meşə yanğını aktivdir", - məlumatda deyilir.

Ocaqlar Yenisey, Şimali Yenisey, Turuxan və Evenkiya dairələrində aktivdir.

Yaşayış məntəqələrinə təhlükənin olmadığı iddia edilir.

Regionda meşə yanğınlarının söndürülməsində 1,6 mindən çox insan, o cümlədən "Avialesoxrana"nın federal rezervinin regionlararası qüvvələri, həmçinin digər regionlardan olan aviasiya yanğınsöndürənləri iştirak edir.

Oxşar xəbərlər

Bu il Yakutiyada 3 milyon hektardan çox meşə yanıb

Buryatiya Respublikasında meşə yanğınlarının sahəsi bir gündə iki dəfədən çox artıb

Rusiyada meşə yanğınları güclənib

Kaliforniyada meşə yanğınlarının miqyası artıb

Rusiyanın regionunda meşə yanğınları səbəbindən fövqəladə vəziyyət rejimi elan edilib