Dini liderlər iqlim dəyişikliyi ilə mübarizə üçün tədbirlərə töhfə verə bilərlər.

"Report" xəbər verir ki, bunu "İsa Məsihin Son Günlər Müqəddəsləri" Kilsəsinin liderlərindən biri olan Cek Noel Cerard Bakıda keçirilən Dini Liderlərin Qlobal Sammiti çərçivəsində keçirilən panel müzakirədə deyib.

Onun sözlərinə görə, kilsənin kifayət qədər təşəbbüsləri var:

"Buraya enerji səmərəliliyinin artırılması, bərpa olunan enerji mənbələrindən istifadə, suyun qənaəti, tullantıların azaldılması, həmçinin məbədlərimizin və ibadət evlərimizin tikintisi zamanı davamlı inkişafın təmin edilməsi üçün kifayət qədər təşəbbüslər daxildir".

Qonaq bildirib ki, kənd təsərrüfatı torpaqlarından səmərəli istifadə etmək, dayanıqlı kənd təsərrüfatını təmin etmək və digər ehtiyacı olanlar üçün də ərzaq təhlükəsizliyini təmin etməklə bağlı təşəbbüslər mövcuddur.

Cek Noel Cerard həmçinin Azərbaycanı və ölkə rəhbərliyini iqlim məsələlərinin həllində məsuliyyəti üzərinə götürdüyü üçün təbrik edib və qarşıdan gələn COP29 konfransında uğurlar arzulayıb.

Oxşar xəbərlər

Moratinos: Dini liderlər iqlim dəyişikliyi ilə mübarizəyə mühüm töhfə verə bilərlər

BMT-nin Baş katibi dini liderləri iqlim dəyişikliyi ilə mübarizə tədbirlərini təşviq etməyə çağırıb

BMT Baş katibi: Dini liderlərin fəaliyyəti iqlim ədalətinin əldə edilməsi üçün vacibdir

Şamil Ayrım: Dini liderlərin toplantıları iqlim böhranına diqqət çəkmək üçün mühüm rol oynaya bilər

Nazir: İqlim dəyişikliyi cəmiyyətin harmoniyasını ciddi şəkildə təhdid edir