Dini liderlər iqlim dəyişikliyi ilə mübarizəyə böyük töhfə verə bilərlər.

"Sizinxeber.az" xəbər verir ki, bunu bu gün Bakıda keçirilən Dini Liderlərin Qlobal Sammitində BMT-nin Sivilizasiyalar Alyansının ali nümayəndəsi Migel Anxel Moratinos deyib.

"İqlim dəyişikliyi çoxsaylı qlobal çağırışlar arasında ən təxirəsalınmaz məsələlərdən biridir. COP29-a ev sahibliyi edən Azərbaycan hökuməti çox yaxşı başa düşür ki, ölkələr bu problemin öhdəsindən təkbaşına gələ bilməz. Buna görə də dini liderlərin sammiti ən münasib vaxtda təşkil olunub", - o qeyd edib.

Moratinosun sözlərinə görə, dini liderlər iqlim probleminə unikal insan mərkəzli yanaşmaya malikdirlər. O vurğulayıb ki, "insan aspekti" təəssüf ki, qlobal müzakirələrdə tez-tez diqqətdən kənarda qalır.

Ali nümayəndə əlavə edib ki, dini xadimlər siyasətçilərdən fərqli olaraq, mərhəmət, ədalət və insan ləyaqəti kimi mənəvi dəyərlərə diqqət yetirirlər.

Oxşar xəbərlər

Məhəmməd Əbdülsalam: Müsəlman Ağsaqqalları Şurası Azərbaycanın iqlim təşəbbüslərini yüksək qiymətləndirir

BMT-nin Baş katibi dini liderləri iqlim dəyişikliyi ilə mübarizə tədbirlərini təşviq etməyə çağırıb

COP29 çərçivəsində Dini Liderlərin Qlobal Bakı Sammiti keçiriləcək

Məhəmməd Əl-Duveyni: COP29 kağız üzərində qalan qərarların tətbiqinə nail olmalıdır

Misirin Baş müftisi Dini Liderlərin Bakı sammitində iştirak edəcək