İstənilən iqlim fəaliyyəti elmdən başlayır və Avropa İttifaqı buna əsaslanaraq elm sahəsinə vəsait ayırır.

"Report" xəbər verir ki, bunu iqlim məsələləri üzrə Avropa komissarı Vopke Hukstra BMT-nin İqlim Dəyişmələri üzrə Tərəflərin İlkin Konfransı (Pre-COP29) çərçivəsində keçirilən panel sessiyasında deyib.

"Biz həmçinin bir çox tərəflərlə, xüsusilə İqlim Dəyişikliyi üzrə Hökumətlərarası Qrupla birlikdə işləyərək iqlim elminə böyük maliyyə ayırmışıq və vurğulamaq istəyirik ki, bununla bütün beynəlxalq ictimaiyyət məşğul olmalıdır”, – o bildirib.

V.Hukstra qeyd edib ki, Avropa İttifaqı əhalinin dayanıqlığına və biznesin rəqabət qabiliyyətinə əsaslanaraq, 2040-cı ilə qədər istixana qazı emissiyalarını 90 faiz azaltmağı hədəfləyir.

“Biz nəinki bu iddialı yolda irəliləməyə davam etmək, həm də doğru istiqamətdə hərəkət etdiyimizə əmin olmaq üçün bütün dünya ictimaiyyəti ilə sıx əməkdaşlıq etmək istəyirik”, - o, sonda bildirib.

Oxşar xəbərlər

Avropa komissarı Vopke Hukstra Bakıda keçiriləcək PreCOP iclasında iştirak edəcək

BMT dayanıqlı iqlim sazişinə nail olmaq üçün birgə fəaliyyətə çağırıb

Nigar Arpadarai: İqlim məqsədlərinə nail olmaq üçün özəl sektorun fəal iştirakı vacibdir

Aİ-nin İqlim Fəaliyyəti üzrə Komissarı: Daha cəsarətli addımlara ehtiyac var

Bakıda BMT-nin İqlim Dəyişmələri üzrə Tərəflərin İlkin Konfransı başlayıb