İmişli rayonunda şəkər çuğundurunun yığımı yekunlaşıb.

Bu barədə "Sizinxeber.az"un Muğan bürosuna İmişli Dövlət Aqrar İnkişaf Mərkəzindən məlumat verilib.

Bildirilib ki, bu il rayonda 214.7 hektar sahədə şəkər çuğunduru əkilib. Sahələrdən 5 065, 64 ton məhsul əldə olunub. Orta məhsuldarlıq hər hektar üçün 23, 59 ton olub.

Məlumata görə, ötən il rayonda sözügedən bitkinin əkini aparılmayıb.

Qeyd edək ki, bu il məhsulun alış qiyməti artıb. Ötən il 16 faiz şəkərlilik dərəcəsi ilə məhsulun tonu 81 manat idisə, bu il 85 manatdır. Artan hər faiz şəkərlilik dərəcəsinə görə əlavə 4 manat da ödəniləcək. Eyni zamanda, şəkər çuğunduruna dövlət tərəfindən də dəstək olaraq hər ton məhsula 18 manat subsidiya ödənilir.

Oxşar xəbərlər

İmişlidə şəkər çuğundurunun yığımı başlayıb

Cəlilabadda şəkər çuğundurunun yığımı başlayıb, gəmiricilər məhsuldarlığı aşağı salıb

Biləsuvarda şəkər çuğunduru yığımı başlayıb, bu il məhsuldarlıq ötənilkindən çoxdur 

Azərbaycanda gələn il 30-a yaxın rayonda şəkər çuğundurunun əkilməsi planlaşdırılır

Bu il Salyanda 250 hektar sahədə şəkər çuğunduru əkilib