ABŞ bundan sonra da təbii sərvətlərin hasil olunması və ixrac edilməsi istiqamətində Azərbaycanla əməkdaşlığı davam etdirmək arzusundadır.

"Report"un məlumatına görə, bunu Amerika Birləşmiş Ştatlarının İqtisadiyyat, Enerji və Biznes məsələləri üzrə Büronun katibinin köməkçisi Kaleb Orr 31-ci "Bakı Enerji Həftəsi"nin açılışında çıxış edərkən deyib.

"Üç onillik ərzində ABŞ və Azərbaycan uzunmüddətli tərəfdaşlıq qurub. Azərbaycan enerji təhlükəsizliyinin irəliyə doğru aparılmasında regionda çox mühüm tərəfdaşdır. Azərbaycan, həmçinin müasir neft sənayesinin beşiyidir. Bizim 30 il öncə imzaladığımız "Əsrin müqaviləsi" bütövlükdə bütün neft və qaz bazarlarında vəziyyəti dəyişdi, bir çox nəsillərə xidmət etdi. Bizim strateji tərəfdaşlığımıza dair Saziş Bakıda Vitse-prezident Vens və Azərbaycan Prezidenti Əliyev tərəfindən imzalanıb. ABŞ bundan sonra da təbii sərvətlərin hasil olunması və ixrac edilməsi istiqamətində Azərbaycanla əməkdaşlığı davam etdirmək arzusundadır", - o deyib.

Oxşar xəbərlər

Prezident İlham Əliyev ABŞ Dövlət katibinin köməkçisini qəbul edib

Azərbaycan-ABŞ İqtisadi Dialoqunun ilk iclası keçiriləcək

Alparslan Bayraktar: Türkiyənin Azərbaycanla nümunəvi enerji əməkdaşlığı var

İlham Əliyev ABŞ Dövlət katibinin köməkçisini qəbul edib

Azərbaycan Çin şirkəti ilə enerji sahəsində strateji tərəfdaşlıq sazişi imzalayıb