Səudiyyə Ərəbistanı beynəlxalq tikinti şirkətlərini mənzil layihələrinə dəvət edib.

“Sizinxeber.az-Economics” xəbər verir ki, bunu WUF13 çərçivəsində keçirilən “Mənzil Maliyyələşdirməsi üçün Yeni Bir Saziş” sessiyasında Səudiyyə Ərəbistanının Bələdiyyələr və Mənzil Nazirliyinin Təchizat Zənciri üzrə baş direktoru Əli Əl-Əhməd deyib.

O bildirib ki, Səudiyyə Ərəbistanı əlçatan mənzil layihələrində iştirak etmək istəyən yerli və beynəlxalq tikinti şirkətləri üçün açıqdır.

Əli Əl-Əhməd qeyd edib ki, ölkə əlçatan mənzil tikintisi üçün subsidiyalaşdırılmış torpaq, infrastruktur və güzəştli kreditlər təqdim edir.

Onun sözlərinə görə, Səudiyyə Ərəbistanı müxtəlif biznes modelləri və metodologiyalar vasitəsilə beynəlxalq şirkətlərlə əməkdaşlığı genişləndirmək niyyətindədir.

Səudiyyə Ərəbistanı rəsmisi bütün podratçı və daşınmaz əmlak şirkətlərini ölkədəki imkanlarla tanış olmaq üçün ölkəsinə dəvət edib.

Oxşar xəbərlər

Səudiyyə Ərəbistanı rəsmisi: Biz artıq 1000 deyil, 1 milyon ev üçün qiymət danışığı aparırıq

WUF13-də mənzil maliyyələşməsi üçün yeni yanaşmalar müzakirə olunur

Səudiyyə Ərəbistanı WUF13-də iştirak edəcək

Uruqvay naziri: Mənzil siyasəti sosial bərabərlik üçün əsasdır

Səudiyyə Ərəbistanı nümayəndəsi: Ölkəmiz görünməmiş şəhər transformasiyasına başlayıb